هل تعرف الأشهر قبطي وسرياني وروماني وعربي.

الـفـلاح الـمـصـرى .. أرتـبـط أرتـبـاط وثـيـق بالأشـهـر الـقـبـطـيـه  ... 

و ثـابـت ذلك فـى جـمـيـع الأبحاث و الدراسات الاجتماعية  ...

ونتيجة لذلك ارتبطت تلك الأشهر القبطية وأسمائها  بالأمـثـال الـريـفـيـه الشعبية ارتباطا وثيقا ..

جدير بالذكر... الأشهـر الـقـبـطـيـه للى لمن يجهلها هى :

توت • بابة • هاتور • كيهك • طوبة • أمشير • برمهات • برمودة • بشنس • بؤونة • أبيب • مسرى • 

يعنى إحنا دلـوقـتـى فـى شـهـر ( كيهك ) ...

قالت لى بسرعه ... دا كـنـا بـنـقـول عـلـيــه ... 

( كيهك .. صباحك مساك .. تقوم من نومك تدور على عشاك ) 

 كمثال واليكم بعض التفصيل:

1/ شهر توت ...

اللى بيجى بـيـن سبتمبر و أكتوبر ... و بيقولوا عنه

(توت يقول للحر موت .. ) ... علشان الحر بيقل ... 

و كمان (توت ري ولا تفوت ... ) ... علشان الفلاح يلحق يروى .. 

2/ شهر بـابـــه ... 

بين أكتوبر و نوفمبر .... و بيقولوا عنه ....

( بابه .. خش واقفل الدرابـه ... أو الـبـوابــه ) ... علشان البرد بيكون بدأ ... 

3/ شـهـر هـاتـور 

بين نـوفمبر و ديسمبر ... و بيقــولوا عـنـه ...

( هــاتـور .. أبـو الـدهـب الـمـنـثـور .. ) ..و المقصود .. بإنتشار لون القمح الأصفر الذهبى..

4/ كـيـهـك ..

بين ديسمبر و يناير .. و بيقولوا عـنــه ...

( كيهك .. صباحك مساك .. تقوم من نومك تدور على عشاك ) 

و ده علشان قصر مدة النهار فى بداية الشتاء

5/ طــوبــه ...

بين يناير و فـبـراير ... وكانوا بيقولوا ...

( طوبه اللى تـخلى الصبيه كـركـوبـه ...) من شدة البرد ...

6/ أمشـيـر ...

بين فبراير ومـارس ... كانوا بيقولوا ...

( أمـشـيـر اللى يخلى جلدك ع الحـيـط نـشـيـر ) من شدة هواه البارد

7/ بـرمـهـات ...

بـيـن مـارس و إبـريــل ... وكـانـوا بـيـقـولـوا ..

( برمهات روح الـغـيـط وهـات قـمـحـات و عـدسـات و بـصـلات )

8/ شـهـر بـرمــوده

بين إبريل و مـايو .. و كـانــوا بيقولوا عنه ..

( بـرمـوده ... دق الـعـمـوده ) .. علشات درس القمح ..

9/ شـهـر بـَـشَـنـس ...

بين شـهـر مايـو و يـونـيـه .. وكـانـوا بـيـقـولـوا ..

(بـشـنـس يـكـنـس الـغـيـط كـنـس ) علشان مابيكونش فيه أنواع خضار ولا زرع كتير ...

10/ شـهـر بـؤونــه ...

بين شـهـر يـونـيـه .. ويـولـيـو ... وكانوا بـيـقـولـوا ..

( بــؤونه .. إنـقـل و خـزن الـمـؤونــه .. ) علشان حرارة الجو ...

أو ( بــؤونه .. أبو الحراره الملعونه ) 

11/ شـهــر أبـيـب ...

بين شـهـر يـولـيـو و أغـسـطـس .. وكانوا بيقولوا ..

( أبـيـب فـيـه الـعـنـب يـطـيـب ) 

أو ( ابـيـب طـبـاخ الـعـنـب و الـزبـيـب ) 

علشان من شدة حرارته بيستوى العنب و يبقى زبيب ...

12/ شــهــر .. مــســرى ِ ...

بين شهر أغسطس و سـبتمبر .. وكانوا بيقولوا فيه ..

( مـسـرى تـجـرى فـيـه كـل تـرعـة عـسـرة )

و ده علشان أرتفاع منسوب المياه ...

.

.

هـو ده الفلاح المصرى الأصيل ... 

اللى لافكر يعمل أمثله على الشهور الـهـجـريــه .. 

ولا حتى على الشهور الميلاديه ...

ولا فيه مشايخ حـرمـوا الأمثله اللى على الأشهر القبطيه ... 

و لا إعتبروا اللى يقولها كـافـر و زنديق ..

مش كده ولا إيه ....

.

.